Ae fin e à scugnût la fintremai in Svuizare par podê murî in pâs. Martina Oppelli, 50 agns di Triest, malade di sclerosi multiple di passe 20 agns, e je muarte vuê di matine intune cliniche svuizare indulà che e à podût otignî il suicidi medicalmenti assistût.
A pandi la gnove la associazion Luca Coscioni. Ai 4 di Jugn passat Oppelli e veve vût il tierç no de bande de Aziende sanitarie Giuliano Isontina che e veve di controlâ lis cundizions de femine che e domandave di timp di podê murî.
La siore e je stade compagnade in Svuizare da Claduio Stellari e Matteo D’Angelo, socis di Soccorso Civile, associazion che e jude chei che no acetin la situazion in Italie cuant che si trate di fin de vite, che e spiete ancjemò, dopo agns, che il Parlament al aprovi une leç degne di un Paîrs civîl. (a.d.g.) – 31.07.2025
