Fuart maltimp sot sere di îr su la nestre regjon. A son stâ dams in provincie di Udin e di Pordenon, cun bugadis di aiar che a àn butât ju arbui e ploiis une vore fuartis che a àn provocât inagaments dentri des cjasis e su lis stradis.
I Vigjii dal fûc e lis cuadris de Protezion civîl a son stâts impegnâts in desenis di intervents, soredut par tirâ vie arbui e ramaçs des stradis. Pôre a Lignan indulà che un arbul al è lât jù dentri di un camping, cence fâ mâl a nissun. Problemis pe viabilitât intune vore di paîs, ma i problemis plui grancj a son stâts a S. Zuan dal Nadison par vie de strade blocade in localitât Cedron, tra Savogne e Ieronizza e dilunc des stradis provinciâls 48, 68 e 89. Discomuts e inagaments ancje a Udin, soredut intes viis Lumignacco e Savona.
Dams ancje tal Friûl Ocidentâl cun passe 30 clamadis di emergjence. I Comuns plui batûts a son stâts Brugnere, Pasian, Sacîl e Prate: in chescj ultins doi paîs, l’aiaron al à ancje puartât vie doi cuvierts. (a.d.g.) – 29.08.2026
