29
Il brut timp che al sta tamesant la nestre regjon al à causât plui di cualchi probleme, ancje se l’aiaron di Siroc che îr al veve puartade aghe a seglots e une vore di burlaçs si è morestât.
A son sierâts i vâts di Rossêt e Murlis su la Midune e i volontaris de Protezion civîl a son jentrâts in azion in Cjargne, indulà che a son stâts doi slacs a Tumieç, tal borc di Cjaçâs e a Darte, cul borc di Luviee restât isolât.
Ducj i plui impuartants cors di aghe a son sot osservazion. La plene dal Tiliment a Tisane e je rivade aes 4.45 di vuê di buinore tocjant il nivel di 4 metris e 50 centimetris e cumò il flum si sta sbassant.
Sot dal nivel di vuardie ancje la Midune a Pordenon. (a.d.g.) – 06.05.2025
