Lis perturbazions che e stan batint la nestre regjon di cualchi zornade a àn puartat a une alerte pal meteo cun plui di cualchi probleme su la cueste e su la mont.
I discomuts plui fuarts a son stâts regjistrâts a Mugle e a Grau, indulà che e je rivade la aghe alte ancje par vie dal siroc. Se pe citât dongje Triest e je lade avonde ben in graciis des paradanis montadis de Protezion civîl. E je lade dal sigûr no tant ben a Grau, indulà che il mâr al è jevât di 143 centimetris rivant fin tal centri de localitât.
Discomuts ancje su la mont, soredut te Val di Resie indulà che e je mancjade la energjie eletriche intant che e je vignude jù une vore di nêf su dute la part alte de regjon.
Regjistrâts ancje cierts intervents de Protezion civîl par inagaments a Cjampfuarmit e in altris paîs dal Friûl. (a.d.g.) – 05.02.2026
