Gianpaolo Pozzo al vai Toffolini: un “om di societât, preseât di ducj”

Corot inte societât ‘Udinese Calcio’, che martars di matine e à pierdût Lorenzo Toffolini, team manager de prime scuadre dal 1998 al 2006 e intal ultin periodi responsabil dal ufici afârs gjenerâi e impegnât in maniere ative inte aree comerciâl. La societât, i zuiadôrs, la famee Pozzo, i alenadôrs che lu àn cognossût tai agns indaûr, tant che Guidolin e Spalletti, e soredut Gianpaolo Pozzo, a vain “un colaboradôr insostituibil – inte peraulis dal president – che nol molave mai, preseât dai coleghis e di dutis lis personis che al rivave a coinvolzi”. (A.I.) – 05.10.2022