Machine si ribalte e e finìs intun zardin dopo une rotatorie a Udin

Incident, pôc prime des 10.30 di matine, in viâl Tita Marzuttini, a Udin, dongje de taronde plaçâl Davanzo (tra viâl dal Sport e viâl Boccaccio). Par causis sot investigazion de Polizie locâl, une Lancia Musa e je lade fûr di strade, finint la sô corse ribaltade sul flanc dentri dal zardin di une abitazion.

Sul puest i pompîrs dal Comant di Udin e il personâl dal 118, che a àn proviodût a gjavâ fûr dal abitacul il vuidadôr, un om  di 71 agns che al è stât curât dai sanitaris e compagnât tal pront socors pes curis dal câs. I pompîrs a àn terminât l’intervent cu la messe in sigurece de machine incidentade e de aree dal incident che nol à cjapât dentri altris personis. (A.D.G.) 23.08.2022