117
A jerin daûr a viazâ cuntun bagai pesant, ven a stâi cun siet chilos di hashish, ripartîts in dîs pagnuts. I doi zovins, un pordenonês di 26 agns e un pakistan di 27 agns, za cognossût aes fuarcis dal ordin par chescj reâts, a son stâts arestâts par spaç.
La operazion e je tacade lunis dopomisdì, intor des 17, alì dal casel de A23 di Udin Sud, dulà che il personâl di une scuadre (Volante) de Polizie di Stât e à fermât il lôr automobil par un control ordenari. La presince dal pakistan e à metût in suspiet i agjents, che a àn percuisît cussì il veicul, scuvierzint la droghe. I doi a son cussì stâts compagnâts inte preson di Udin, a disposizion de Autoritât judiziarie. (A.D.G.) – 01.09.2022
