70
Un vieli al è lat fûr strade di bessôl a Cosean, cu la so machine che e je lade indenant par passe trente metris fintremai cuant no à batût cuintri di un cordul di ciment e si è ribaltade.
L’incident al è sucedût vuê di matine dilunc de strade provinciâl 18. Chei che si son fermâts par judâlu a àn decidût di tirâlu fûr daurman e prime che a rivassin i Vigjii dal fûc par vie dal fuart odôr di benzine che si sintive e pe pôre che la machine e cjapàs fûc.
L’om al è restat simpri cussient e i prins controi fats dai sanitaris no àn mostrat lesions griviis, ma il vieli al è stât dut câs puartât cul elicotar tal ospedâl di Udin. (a.d.g.) – 19.06.2026
