116
Intant che lui al segnave il tierç gol al Inter, i laris a erin daûr a robâ in cjase sô. Dopo une domenie ecezionâl sul cjamp, par Tolgay Arslan, il centricjampist dal Udin che al à fissât sul 3-1 il risultât cul Inter, tornant a cjase il todesc al è cjatât une brute sorprese. I laris a vevin scancarât une puarte-barcon e, aprofitant de assence dal proprietari, a erin jentrâts inte cjase di Pagnà dal zuiadôr e a vevin robât zoiis di aur e 2 computer par un totâl di 12mila euro. Il zuiadôr al à scuviert la robarie dome inte sere di domenie, cuant che al è jentrât inte sô abitazion, e al à segnalât il fat aes fuarcis dal ordin. (A.I.) – 20.09.2022
