Al è zâl a Purcie, indulà che tal dopomisdì al è stât cjatât muart dentri cjase l’imprenditôr Mario Ruoso di 87 agns, titulâr dal Garage Venezia, une des concessionariis storichis dal Friûl – Vignesie Julie.
L’om al è stât cjatât dongje de puarte di cjase di un parint, al veve une feride brute sul cjâf e al jere cuviert di sanc. Sul puest, daspò de clamade al 112, a son rivâts i sanitaris, agjents de Polizie di Stât e i siei esperts de sientifiche. La Procure de Republiche di Pordenon e à clamât un miedi legâl par sclarî lis causis de muart e des feridis. Pal moment non si pueste escludi nissune piste.
Ruoso al jere Cavalîr dal lavôr e titulâr di une des plui vielis concessionariis de regjon. Al jere ancje stât un dai prins imprenditôrs regjonâi a invistî tal setôr des television privadis cu la creazion di TelePordenone, sierade doi agns indaûr. (a.d.g.) – 04.03.2026
