L’imbroi dai bêçs intal frigo

Ancjemò un imbroi ai dams di anzians in regjon. Une femine di 75 agns e je stade imbroiade a Sant Durì di Sacîl di doi oms. Un di chescj si è fat passâ par une vuardie urbane, chel altri par un dipendent di une dite che e gjestìs l’acuedot. I doi a son rivâts a fâ crodi ae anziane che si jere verificât un dam al implant idric e le àn convinçude a meti vie intal frigorifar ducj i bêçs che e veve in cjase. La sume, in dut 1.500 euros, e je stade gjavade po dopo dai malvivents, intun moment di distrazion de femine. I Carabinîrs di Sacîl a son daûr a indagâ sul câs. (A.I.) – 03.11.2022