Des nûf sot sere e fintremai aes 10 e 40 cetantis zonis di Lignan a son restadis tal scûr parcè che no rivave energjie eletriche. Il blackout al à cjapât dentri ancje tocs di iluminazion publiche dilunc dal mâr.
Par chest lis associazions di categorie tant che Confcommercio e Federalberghi Fvg, tignût cont che za l’an passât a Madone di Avost e jere saltade la corint, a denunzin il fat che la situazion no je cambiade e a domandin rispuestis daurman a E-Distribuzione, che al disi cualis che a son lis causis dal vuast e, soredut, ce che al è stât fat fin cumò daspò dai problemis vûts.
Il pinsîr al è dât ancje dai sbalçs di tension che a van indevant e che a son a risi di fiscâ implants e imprescj, propit intant che la localitât e sta par vê plui lavôr. (a.d.g.) – 30.06.2026
