Cinc ativitâts sospindudis e multis par plui di 140 mil euros. Al è chest il belanç dai controi fat stai dîs passâts dai carabinîrs dal Nucli dal ispetorât dal lavôr di Udin, che adun cui coleghis des Compagniis di Udin, Palme e Cividât cun dute une schirie di controi cuintri dal lavôr neri e des violazions su lis normis de sigurece.
Tal cjâf lûc furlan siet des vot ativitâts controladis no jerin in ordin. I controi a son stâts fats in cinc salons di piruchîr, une pizarie, un centri par massaçs e une aziende di servizis a supuart de agriculture che e lavore a Buri e cu la sede a S. Zuan dal Nadison.
La sanzion plui grivie, plui o mancul 30 mil euros, e je tocjade propit a cheste ultime aziende, indulà che i carabinîrs a àn contestat la formazion mancjade dai lavoradôrs, la mancjance di vigjilance sanitarie e ancje la presince di un lavoradôr in neri sui sîs presints. (a.d.g.) – 11.05.2026
