Lavine su Plancjaval, tante pôre ma nissun si è fat mâl

Îr di matine a Plancjaval tor des 11.45 e je vignude jù une lavine di nêf dongje dai implants di schi.

La lavine, lungje tra i 50 e i 70 metris, e si è distacade de cueste da Mont Tremol, fasint meti in vore daurman i protocoi di sigurece. Sul puest a son rivâts i carabinîrs, impegnâts intes operazions di socors su lis pistis, supuartâts di un tecnic dal Socors alpin par fâ un control aprofondît de aree.

Par fortune, i controi a àn escludût cualsisei coinvolziment di schiadôrs o di escursioniscj. Lis operazions di control a van indenant par garantî la stabilitât dal strât di nêf intes zonis dongje. (a.d.g.) – 30.01.2026