Il cuarp di Carlo Notari, il pompîr di 29 agns, origjinari di Bologne che al vive a Triest, restât sot de lavine di nêf îr dongje Raz, al sarà ispezionât vuê. Su la fonde des primis valutazions, la sô muart e sarès stade provocade dai tramis une vore fuarts e no dal conzelament.
Il cuarp dal zovin pompîr al jere stât cjatât sot passe un metri e mieç di nêf, îr tor des sîs sot sere daspò passe cuatri oris di ricercjis.
Intant a vadin indenant lis investigazions de Vuardie di finance che tes oris dopo de lavine e à scoltât int, che tra chei ancje l’amì che al jere cu la vitime e che al jere plui in bas e par chest si è salvât. Al jere stât propit l’amì a clamâ il 112 daspò de lavine e dal fat che al veve pierdût di viste l’amì; lu veve cirût doprant l’Artva, il dispositîf eletronic doprât par cjatâ lis personis che a restin sot di une lavine, ma nol rivave nissun segnâl.
Notari al veve tacât a lavorâ tai Vigjii dal fûc di Triest de fin di Otubar dal 2025. (a.d.g.) – 02.02.2026
