Laris une altre volte in azion dentri di une buteghe di bicicletis a Udin

Ancjemò laris in azion dentri de buteghe di bicicletis Cicli Granzon di viâl Palmanova a Udin. Vie pe gnot passade i delincuents a àn fiscât cuntune mace une des lastris de buteghe par rivâ a jentrâ. In pôc timp a son stadis puartadis vie cinc bicicletis di valôr grant e il dam al è ancjemò di calcolâ. Si pense che i laris, forsit in trê di lôr, a sedin rivâts dai cjamps come pe robarie dal Avrîl passât.

Subite dopo che la lastre e je stade rote, pôc dopo de une di gnot –  l’alarme al è jentrât in funzion visant il personâl de sigurece privade e sul puest al è rivât ancje il titulâr, che nol à platât il displasê pe gnove robarie cuintri de sô buteghe. (a.d.g.) – 06.10.2025