Laris in azion par strade, vitimis dôs une sioris

Laris in azion îr a Sacîl e a Manià, indulà che da son stadis robadis zoiis. Il prin câs dilunc dal viâl Zancanaro a Sacîl, indulà che doi zovins, in aparence une vore educâts, vie pe matine cu la scuse di netâ il vistît de vitime che al jere sporc a àn rivât a puartâ vie ae puare femine une golaine, par dopo scjampâ intun lamp.

Un altri câs al è sucedût a Manià, tal dopomisdì, cuant che a cjase di une siore intimpade si è presentât un che al diseve di jessi un financîr in borghês. La femine e à consegnât al delincuent zoiis e aur che il valôr al è ancjemò di calcolâ. Par ducj e doi i câs a stan investigant i carabinîrs. (a.d.g.) – 09.09.2025