Laris in azion in dôs buteghis dal oresin dal Friûl

Robariis vie pe gnot in dôs buteghis dal oresin in Friûl. La prime e je stade fate S. Zorç di Noiâr, indulà che i laris a àn scancarât la sierande e fiscât la puarte di ingrès de buteghe L’Ilarità.

Pôc dopo i delincuents a àn cjapât di smire la buteghe Mansutti a S. Denêl. A son stâts puartats vie zoiis e bêçs in contants. Il botin al passe I 100 mil euros.

A son intervignûts i carabinîrs che a àn cjapât su lis imagjinis des telecjamaris di control. Si pense che a fa lis dôs robariis e sedi stade la stesse bande. (a.d.g.) – 11.02.2026