Laris in azion a Pordenon intant che i parons di cjase a son a fâ la spese

Nancje il timp di jessî fûr par lâ a fâ la spese che cuant che a son tornâts a cjase a àn cjatât dut sot sore.

E je la brute sorprese vude di doi citadins che a son a vivi in vie Galilei a Pordenon, che tal tornâ a cjase dopo nancje une ore, a àn cjatât dute la robe butade par aiar intes stanziis.

I delincuents a jerin jentrâts daspò vê sfuarçât un barcon dal salot: in pôc timp a àn puartât vie un orloi di aur di valôr grant. Clamâts daurman i carabinîrs rivâts sul puest cuntune patulie dal Nucli radiomobile. (a.d.g.) – 12.09.2025