Laris in azion a Foian Redipulie

Pinsîr a Foian Redipulie, cjapade di smire in chescj ultins dîs di almancul trê robariis in abitazions dal teritori comunâl. Il prin colp al è sucedût intun condomini tra vie Resistenza e vie della Roia: i malvivents a son rivâts a jentrâ intal dopomisdì intun apartament lant sù pes teracis sul daûr dal edifici. Un secont episodi in paîs vie pe gnot, intant che intal ultin câs, inte matinade di îr, la prove di robarie no je lade ben ancje se a son stâts fats dai dams a un barcon de cjase dulà che i laris a àn provât a jentrâ. Su ducj chescj episodis a indaghin i Carabinîrs. (a.d.g.) – 29.01.2024