Laris dentri di dôs cjasis a Glemone

Laris in azion vie pe gnot di sabide a Glemone, indulà che a son jentrâts in dôs cjasis.

Il prin colp al è sucedût tra la une e lis trê in vie Cividale, indulà che i delincuents a son jentrâts inte abitazion di une femine di 87 agns intant che e durmive e a àn puartât vie zoiis di aur.

Une altre robarie e je stade fate in vie Pravarons inte cjase di un om di 65 agns, che i àn puartât vie robe par passe 4 mil euros. A indaghin i carabinîrs di Glemone, ma si pense che a robâ e sedi stade la stesse bande di criminâi. (a.d.g.) – 15.04.2024