106
Doi albanês di 22 e 23 agns a son stâts arestâts in flagrance di reât intant che a stavin robant intune vilute in vie Latina intal cuartîr San Domenico a Udin.
A dâ l’alarme al è stât un vicin di cjase che al à viodût i laris jentrâ in cjase e propit par chest Polizie e Carabinîrs a son rivâts daurman e a àn blocât i doi delincuents. Un altri di lôr, che al faseve di pâl, invezit, al à rivât a scjampâ ancje se i jerin lâts daûr i poliziots.
I doi albanês a jerin ientrâts inte cjase sfuarçant un balcon e cuant che a son rivadis lis fuarcis dal ordin i doi a àn cirût di scjampâ montant sul cuviert, ma ae fin a àn scugnût tornâ jù e rindisi. (a.d.g.) – 28.02.2024
