Lari di ram cjapât pôc prin dal confin

da Alessandro Di Giusto

Fermât dai carabinîrs, dilunc dai controi a Prosec, un citadin rumen di 39 agns, za condanât par vê cometût une robarie a Biele intal 2016. L’om, intune cu la sô bande, al veve puartât vie ram par plui di 1.800 metris di un implant fotovoltaic, ma lis telecjamaris a vevin filmât dut. Plui di 46 mil euros il valôr dal ram gjavât dal implant. Il lari al veve fat pierdi i siei segns e il Gip di Biele al veve mandât fûr a sô cjame un proviodiment restritîf de libertât cautelâr, ma fin a vuê nol jere stât cjapât. A an rivât a falu invezit i Carabinîrs di Prosec, impegnâts intune cu la Radiomobile di Nabresine dilunc di controi, a pôc mancul di un chilometri dal confin: verificadis lis sôs gjeneralitâts, i militârs lu àn arestât in esecuzion di une ordenance di custodie cautelâr in preson par robarie ingriviade fate in provincie di Biele. Dopo lis formalitâts, l’arestât al è stât condot dongje la preson dal Coroneo. (A.D.G.) – 10.05.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui