Lari arestât daspò vê puartât vie il tacuin a un vieli

Al à passât un moment brut un vieli che îr di matine al è stât svicinât di un forest che i à puartât vie il tacuin tignût dentri de borse. Il fat al è sucedût intun supermarcjât inte zone a Sud di Udin, cuant che un ucrain di 37 agns lu à svicinât.

Il vieli cuant che nol à cjatât plui il tacuin al à pensât propit al forest che i veve domandât conseis sui prodots di comprâ e par chest al à clamât daurman i carabinîrs cul jutori dal personâl dal supermarcjât.

I militârs dal Nucli Radiomobile rivâts intun lamp a àn rivât a blocâ il lari dongje de buteghe e a recuperâ il tacuin. L’ucrain al è stât denunziât. (a.d.g.) – 28.01.2026