L’agressôr des feminis a Udin al reste in preson

da Alessandro Di Giusto

Al restarà in preson l’om, un pakistan di 35 agns cence cjase, suspietât di vê agredît intes setemanis passadis feminis in centri a Udin, cun pidadis o pugns cence motîf aparent, par dopo scjampâ.

Lu à decidût vuê il Gip di Udin Mariarosa Persico, che e à disponût la custodie cautelâr in preson.

L’om al è stât arestât par resistence a public uficiâl la matine di vinars passât, pôc dopo une agression a une femine in vie Roncjis. Passants a àn viodût la sene e alertât une patulie dai Carabinîrs di passaç: cuant che lu àn cjapât e a àn cirût di identificâlu, il pakistan ju à sburtonâts. Ae fin lu àn blocât e puartât in preson a Udin. (ADG) -21.11.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui