Plui di 400.000 litris di gasoli e 13 mieçs (tra chei a son tratôrs stradâi e rimorchis), a son stâts regalâts de Vuardie di finance di Udin ae Protezion Civîl e ai Vigjii dal fûc. La consegne e je stade fate dal Nucli Finanziari di Polizie Economiche-Finanziarie, daûr autorizazion dal Procuradôr de Republiche di Udin.
Dute cheste robe e rive di cetancj secuestris di prodot energjetic che al jere stât puartât in maniere ilegâl in Italie passant pai confins dal Friûl-Vignesie Julie.
Lis investigazions a vevin permetût di blocâ la comercializazion dal carburant che nol veve paiât nissune tasse e di impedî la distribuzion de bande di sogjets no autorizâts, cussì evitant ancje il potenziâl risi pe sigurece des operazions e pe incolumitât des personis. (a.d.g.) – 30.01.2026
