La tragjedie di Nimis, la picinine e je muarte prime dal part cesari

La picinine di Nimis, che a varès vût di nassi in cjase ai 30 di Jugn, e je muarte intant che jere ancjemò te panze de mari, prime dal part cesari fat tal ospedâl di Udin. Pe sô muart, la Procure di Udin e veve regjistrat dôs ostetrichis tal regjistri dai indagâts cu la ipotesi di omicidi colpôs.

A fissâ il moment de muart de frutine al è stât l’esam autoptic fat vuê di matine dai miedis legâi incargâts de Procure, adun cul miedi legâl consulent de difese des dôs indagadis.

Par capî cuale che e je stade la cause de muart e stabilî se e podeve jessi evitade, al coventarà il risultât dai aciertaments sul cuarp de picinine , che a varessin di rivâ prime di 60 dîs. (a.d.g.) – 09.07.2026