La tampieste e l’aiar a sdrumin il Friûl

Un miâr di clamadis di socors pe ondade di brut timp che lunis di sere e je passade e e à colpît il nestri teritori: no dome ploie e aiar fuarton, ma ancje tante tampieste, cun grans grancj fin a dîs centimetris. Intun teritori ampli, di Cjasarse a Cividât, di Sacîl a Mortean, fin aes zonis di confin di Cividât a Gurize, no si contin i arbui colâts, lis machinis pacadis o distrutis de tampieste o propit dai arbui, lis cantinis inagadis, i cuvierts distaponâts e fintremai lis cuviertiduris des cjasis danezadis di piçulis bombis di glace, par no dismenteâ ducj i dams su lis culturis. Interuzions di corint cun discomuts in tantis abitazions, e ancje la circolazion dilunc de linie feroviarie Cjasarse-Udin e je stade blocade fin ae matine. La Protezion civîl dal F-Vj e informe che i doi passaçs di temporâi di Ovest a Est – il prin des 20.30 aes 21.30 e il secont prime di miezegnot – a son stâts fûr dal normâl, cun tampieste di intensitât e dimensions ecezionâls e un aiar che al è rivât fint a 159 Km/h. (A.I.) – 25.07.2023