La regjon ancjemò inte smuarse dal fûc

Dopo doi dîs, a van indevant lis operazions par distudâ il vast fûc che di martars di matine al svampe slargjât tai boscs dal Cjars, tra Gurize e Triest. Devetaki, Sablici e Jamiano intal comun di Doberdò e Medeazza intal comun di Duìn Nabresine a son i fronts plui grancj dal fûc. La autostrade A4 in direzion Triest e je stade vierte intal trat tra Vilès e Lisèrt, intant che l’implant de Fincantieri di Monfalcon al reste sierât. A pet de gnot tra martars e miercus, la cualitât dal aiar e je lade in miôr, daûr des rilevazions de Arpa Fvj fatis a Monfalcon, ancje se un fuart odôr di stiç al è rivât aromai inte citât di Udin. E ancje in Friûl a son sclopâts fûcs che a àn comandât l’intervent dai Vigjii dal fûc, in comun di Drencje e di Resiute. (A.I.) – 21.07.2022