La ploie no stude il fûc che al bruse la Cjargne

La ploie che e je rivade tal dopomisdì di lunis no je avonde par studâ il fûc de Mariane che e domine Damâr e Tumieç, che al è daûr a brusâ di plui di une setemane cence control e che no si è ancjemò rivâts a staronzâ. Il plui grant di cuasi cuarante ponts di crisi che a son vignûts fûr te regjon nome tal ultin mês par vie dal cjaldon al reste atîf. Lu conferme la Protezion Civîl, che e puarte indevant lis operazions di distudament cence padin. A son in vore doi elicotars regjonâi, doi Canadair de flote statâl e i avions specializâts de Slovenie. Il borc di Pissebus al reste evacuât par precauzion, intant che la strade viers Dieç e je stade vierte. I dâts de ARPA par valutâ l’impat dal fum e lis misuris di contigniment necessariis a pro de salût publiche a son sot osservazion cence polse. La ploie che in mont si spietave par judâ a studâ il grant fûc e varès di tornâ plui fuarte dome a tacâ di joibe che e ven. (A.I.) – 17.08.2026