La parone de cjice di 14 agns, clamade Maggie, muarte îr par cause di une scjame eletriche intant che e e lave a spas tal centri di Udin, e sarès pronte a inviâ une azion legâl par scuvierzi cui che al è il responsabil de muart de puare besteute.
Su la fonde de testemoneance de femine, Maggie e varès cjapât une scjarie dople. Maggie che e jere stade adotade plui di dîs agns indaûr e che e stave simpri dongje ae parone ancje sul puest di lavôr, al stave fasint un zirut cu la parone cuant che e à tacât a nasâ il teren dongje dal tombin. Pôc dopo la besteute e à tirât une vuicade e e à vût lis primis convulsions.
Tal principi la parone e à pensât a un mâl, ma cuant che la cjice e je tornade in pîts e brancolant e à tornât a meti une talpe sul tombin che al jere bagnât cjapant une altre scjarie che le à copade.
Dentri dal pocet al somee che al sedi stât cjatât un cabli cu l’isolament ruvinât par vie des roseadis e si pense che l’umit al vedi amplificât la dispersion di corint. (a.d.g.) – 13.02.2026
