Poste Italiane e à inviât in provincie di Udin la sostituzion e la instalazion di gnovis casselis smart 2.0 intai comuns di Darte, Listize, Merêt Di Tombe, Davâr, Paluce, Sedean, Soclêf, Sudri, Talmassons, Prât e Codroip.
A àn il colôr ros tipic des casselis storichis, che dal 1961 a furnissin lis nestris citâts, ma a son plui piçulis e a son dotadis di tecnologjie IOT e sensôrs che a rilevin temperadure, umiditât, pression atmosferiche, cuantitât di polvars sutîi e dal biossit di azot inte aree interessade. Par visualizâ i dâts, che a saran inzornâts, al bastarà colegâ al sît https://www.posteitaliane.it/piccolicomuni. Lis gnovis casselis a inviin ancje informazions al puarteletaris su la cuantitât di corispondence presinte. Chest al ridûs l’impat ambientâl, parcè che al evite passaçs dibant. (A.D.G.) – 22.03.2023
