La Arpa e i Comuns a puartin i refudums in place

Sensibilizâ e educâ turiscj, citadins, operadôrs dal setôr turistic e students sul teme de riduzion dai refudums e de lôr corete gjestion e prevenzion. Al è l’obietîf di “Refudums in place”, cuatri iniziativis publichis a Grau, Lignan, Sapade e Tarvis, inmaneadis de Agjenzie regjonâl pe protezion dal ambient (Arpa Fvg) in colaborazion cui cuatri Comuns e la Universitât dal Friûl. Il prin apontament si tignarà miercus ai 12 a Grau des 9.30 di matine, devant dal municipi. Intune cui tecnics de Arpa e in presince dai arlêfs dal istitût comprensîf locâl “Marco Polo”, al sarà analizât il contignût de racuelte diferenziade, a saran separâts i materiâi par tipologjie e si valutarà se a son stâts dâts dongje in maniere corete o no. (A.I.) – 11.04.2023