Jê si prostituive e intant lui al svuedave i conts dai clients

Intant che la femine si prostituive, il so compagn al puartave vie i bêçs ai clients, doprant ancje il lôr bancomat.

La cubie che e veve fat almancul trente vitimis dal Novembar dal 2023 al Mai di chest an a Gurize e je stade arestade vuê dai carabinîrs a Pomigliano d’Arco, indulà che e je a stâ la femine, e a Gurize indulà che invezit al vîf l’om che al meteve a disposizion une cjase pai incuintris cui clients. Lui al è stât puartât dret in preson intant che jê si cjate ai arescj domiciliârs cul braçalet eletronic.

I doi a son acusâts di robarie ingriviade, favoriment de prostituzion e utilizazion ilecite di struments di paiament eletronic. (a.d.g.) – 06.11.2025