Inviâts vuê a Udin i lavôrs par tornâ indaûr ae citât un spazi in degrât. O fevelìn dal edifici industriâl de ex Dormish: “La ricualificazion dal ex Dormisch e rapresente un esempli a nivel progjetuâl di là di un model prevident indulà che la part formative si disvilupe adun cu lis grandis realtâts industriâls, par dâ rispuestis ae carence enorme di professioniscj intai setôrs produtîfs. Al è palês, duncje, che lis personis a sedin il valôr zontât par jessi competitîfs a nivel internazionâl. In chest sens la Aministrazion regjonâl e stanzie risorsis impuartantis a pro dai Its calcolant la formazion come fondamentâl par aumentâ la competitivitât dal teritori”.
Lu à declarât il governadôr de Regjon Friûl Vignesie Julie, Massimiliano Fedriga dilunc dal inviament de prime part di demolizion de ex fabriche Dormish. Dongje dal governadôr ancje i assessôrs regjonâi aes Ativitâts produtivis e Turisim, Sergio Emidio Bini, aes Financis Barbara Zilli e aes Infrastruturis Graziano Pizzimenti, il sindic di Udin Pietro Fontanini, Gianpietro Benedetti, president dal Gruppo Danieli e i tecnics. (ADG) – 03.10.2022
