Intune caserme di Palme il dipuesit des oparis di art nazionâls

Palme e je stade sielzude dal Ministeri de culture tant che un dai 5 sîts nazionâi pal ricet e restaur dai bens mobiliis culturâls de Italie. Par fâ lis struturis necessariis, dentri de aree de ex Caserma Montezemolo, il PNRR (Piano Nazionale di Ripresa e Resilienza) al previôt di destinâ 20 milions di euros dai fonts a disposizion dal progjet nazionâl. Unic sît dal Nordest dentri dal progjet Maxi Recovery Art, Palme e sarà la “fuartece” dulà tignî e recuperâ lis oparis di art talianis in câs di calamitât naturâl, taramots, diluvions, lavinis o dut chel che al meti in pericul la conservazion. La ex Caserma Montezemolo, cuntune aree di 50 mil metris cuadris, e podarà jessi un dipuesit di oparis di art, un laboratori di restaur, une sede di ricercje e esposizion dai manufats artistics nazionâi. (A.I.) – 22.09.2022