Intervent de Polizie dentri de Casa dell’Immacolata a Udin

I agjents de Polizie di Stât a son intervignûts vuê di matine inte Casa dell’Immacolata a Udin dopo jessi stâts clamâts dal personâl de struture. Ae fin doi minôrs di etât no compagnâts ospits inte struture a son stâts puartâts inte Cuesture. Sui motîfs dal lôr slontanament par cumò si sa pôc.

“La posizion dai doi fantats – al à declarât Vittorino Boem, president de Casa dell’immacolata – e je sot investigazion dai agjents e no pues dî altri. Dut câs o sin stâts noaltris a clamâ lis fuarcis dal ordin cuant che si sin rindûts cont dal compuartament dai doi che nol jere coret, che no jerin però leâts a barufis o ae droghe”. (a.d.g.) – 04.03.2025