156
Al è in cundizions tant gravis Mirco Scian, l’om di 57 agns di S. Quarin che îr di sere al è stât cjatât incussient dentri dal fossâl che al disfilie vie XX Setembar a Lavorêt. L’om, nassût in Svuizare, al jere colât dentri de val intant che al pedalave suntune biciclete. Pôc prime al jere stât viodût brancolâ di un motociclist.
Cjatât in arest cardiocircolatori pes lesions gravis ripuartadis inte cjadude, al è stât elitraspuartât al ospedâl di Udin dulà che si cjate ricoverât intal repart di Terapie intensive. La sô vite e je picjade a di un fîl. Sul puest pai rilêfs e i aciertaments i carabinîrs. (A.D.G.) – 19.05.2023
