Int cence cjase, doi milions di euros dal Pnrr a Udin

Dâ une man ae int cence cjase par cjatâ une sistemazion provisorie intun apartament o intune cjase di acet.

Chest al è l’obietîf dal Comun di Udin cun i bêçs che a rivin dal Pnrr (Piano nazionale di ripresa e resilienza), passe doi milions di euros. Dôs lis sistemazions cjatadis dal Comun dulà dâ acet a int puare o che dut câs no rive a paiâ un mutui o un fit: a son la vecje sede Cism in vie Urbanis e la vecje sede dai Vigjii dal fûc di vie Cussignà. Par meti dut a puest a coventaran 71 mil euros pal prin edifici e un milion e 100 mil euros par chel di vie Cussignà. (A.D.G.) – 24.05.2022