51
Al è finît cuntun incident l’inseguiment fat di une auto de Polizie di Stât corude pes stradis di Pordenon daûr di une machine cun dentri doi zovins talians, che no si jerin fermâts par un control. I agjents a vevin ordenât al mieç di fermâsi in vie Dante daspò velu viodût movisi a zigzag, ma le auto e veve tirât dret. Al è tacât di chel moment l’inseguiment pes stradis dal centri fintremai cuant, te crosere tra vie Martelli e vie Fratelli Bandiera, juste denant dal tribunâl, la machine e je lade a sbati cuintri di une altre parcade, par dopo jessi tamponade de auto dai poliziots.
Al è saltât fûr che il vuidadôr, un zovin di 20 agns di origjin albanese al lave ator cence patent e ancje par chest al è stât denunziât.
