Vuê di matine, denant dal Stringher, une insegnant e je stade cjapade sot denant dal Istitût Stringher, dilunc di viâl Monsignor Nogara, une des stradis plui a risi pe sigurece e pe presince di une vore di students.
La docent e stave passant sul passaç pedonâl par lâ tal istitût cuant che e je stade cjapade in plen de auto vuidade di un zovin di 20 agns, juste denant dal Terminal Students, pôc prime des vot di matine. La siore di 50 agns e je stade daurman socorude dai infermîrs dal 118 e puartade daurman tal ospedâl in cundizions griviis, ma par fortune no sarès in pericul di vite.
Sul puest ancje une patulie de Polizie locâl di Udin pai rilêfs e la gjestion dal trafic che al à patît ralentaments fintremai li de tangjenziâl ovest. (a.d.g.) – 21.05.2026
