Infortuni sul lavôr par un zovin di 22 agns a S. Zorç di Noiâr

Infortuni vuê dopomisdì inte Vetreria Piegrese, in vie Linussio a S. Zorç di Noiâr. A un operari di 22 agns, intant che al stave fasint un lavôr, il so braç al è lât sot di un rodul traspuartadôr. Sul puest al è rivât daurman il personâl sanitari che, dopo vê dât lis primis curis al zovin, lu à puartât cu la ambulance tal ospedâl di Tisane. Lis sôs cundizions no saressin grâvis. (a.d.g.) – 06.03.2024