Un operari di 48 agns, rumen, si è fat mâl vuê di matine dopo jessi stât cjapât tal cjâf de puarte di une armadure che, par causis sot investigazion, si è distacade di bot.
L’infortuni al è sucedût li de Dhl di Pavie. L’om, dipendent di une dite esterne, al stave fasint lavôrs di manutenzion tal edifici.
Socorût dal personâl sanitari dal 118 e dai Vigjii dal Fûc, l’om al è stât puartât in cundizions griviis tal ospedâl di Udin. Nol sarès in pericul di vite. Sul puest ancje i carabinîrs di S. Zuan dal Nadison adun cul personâl dal Servizi di prevenzion e di sigurece de Aziende sanitarie. (a.d.g.) – 31.01.2025