125
Si cjate in cundizions gravis il zovin di plui o mancul 22 agns restât vitime, tor lis trê dal dopomisdì, di un infortuni sul lavôr inte aziende Terex presinte inte zone industriâl di Fontanefrede. Par causis in cors di aciertament di bande dai Carabinîrs de Compagnie di Sacîl, l’om al è stât colpît di un grues machinari che i à provocât lesions pesantis al cjâf e al braç.
Intervignûts sul puest une ambulance e une auto mediche rivâts di Pordenon e l’elisocors. Dopo vêlu stabilizât i sanitaris a àn disponût il traspuart dal ferît cul elisocors al ospedâl Sante Marie de Misericordie di Udin, dulà che al è ricoverât in cundizions gravis. (A.D.G.) – 29.03.2023
