Infortuni a un dipendent inte latarie di Feagne

Infortuni sul lavôr inte latarie Borc Palût di Feagne. Par causis che su chês a son daûr a lavorâ i Carabinîrs de stazion locâl e il personâl de Aziende sanitarie, un dipendent di 30 agns al è sbrissât su la pese di alumini, batint in maniere violente la schene.
Socorût dal personâl dal 118, al è stât puartât intal ospedâl di Sant Denêl, dulà che i è stade cjatade une frature pubiche. La prognosi e je di 21 dîs. (ADG) – 29.09.2022