Incident su la A34 a Fare

Un scuintri tra un furgon e un autoarticolât al à causât il feriment di une persone cheste matine dilunc de A34, intal comun di Fare. L’incident al è sucedût aes 8 e 20 di matine. Di là dai sanitaris dal 118, sul puest a son rivâts ancje lis Vuardiis dal fûc di Gurize.

I pompîrs a àn proviodût ae metude in sigurece dai veicui incidentâts e de aree dal incident. Presints ancje i oms de Polizie Stradâl e chei dal concessionari autostradâl. Il vuidadôr, ferît in maniere lizere, al è stât traspuartât intal ospedâl di Gurize. (A.D.G.) – 12.05.2023