Incident stradâl a Palaçûl

Brut incident stradâl tra dôs machinis vuê tor de 1 dopomisdì a Palaçûl, dilunc de strade statâl 14.

Sul puest e je rivade une scuadre dai Vigjii dal fûc che e à cjatât chei che e stavin suntune des machinis ferîts ma za fûr e sot cure dal personâl sanitari. Chê altre machine invezit e jere lade a finî fûr strade e cu la muse dentri di un fossâl e il vuidadôr blocât dentri.

Dopo ve stabilizât il veicul parcè che nol sbrissi di plui te aghe, i pompîrs a àn taiât e tirât vie i sportei par rivâ a tirâ fûr il ferît che daurman al è stât curât dai sanitaris e puartat tal ospedâl di Udin cul elicotar che al jere rivât daurman.

Sul puest ancje i carabinîrs pes investigazions e par permeti al trafic di movisi in sigurece. (a.d.g.) – 18.09.2025