Incident mortâl par un escursionist su lis Alps Juliis

Tal dopomisdì di vuê, tra lis 2 e lis 2.30, tal teritori tra Scluse e Dogne su lis Alps Juliis un om al è muart daspò jessi colât intun canalon par plui o mancul vincj metris.

L’incident al è sucedût intant che l’om al stave tornant indaûr dal bivac Suringar bande Forcje Disteis, dilunc  dal troi Cai 663 a une cuate di 2.200 metris. L’escursionist al è muart par vie des feridis une vore grivis patidis. E je stade ativade de Sores la stazion dal Socors Alpin di Rabil adun cu la Vuardie di finance e l’elisocors regjonâl: i tecnics a àn rivât a recuperà il cuarp doprant ancje il secont elicotar. (a.d.g.) – 27.08.2026