Dilunc de strade strade statâl 54 ae altece de frazion di Sanguarç a Cividât, al à pierdude la vite Stefano Iuri di 66 agns, intant che al lave cu la sô biciclete.
Par causis ancjemò di sclarî l’om al sarès jentrât cu la bici su la strade cence fermâsi li dal Stop. In chel moment al stave rivant un furgon che nol à rivât a evitâ l’impat cul puar ciclist.
Al è stât dât daurman l’alarme di cui che al jere presint e ancje dal vuidadôr dal furgon restat sot shock pal fat. Sul puest a son rivâts i sanitaris dal 118, ma pal om di 66 agns nol jere plui nuie ce fâ.
Intervignûts ancje i carabinîrs des stazions di Cividât e S. Pieri dai Sclavons che a àn fat i rilêfs emetude in sigurece la aree. Il trafic che al à patît fuarts ralentaments al è stât deviât par permeti ai socoridôrs di lavorâ. (a.d.g.) – 02.09.2026
