Incident mortâl a Trasaghis

da Alessandro Di Giusto

Tor des 9 di îr sot sere la auto vuidade di Paolo Buzzi di 59 agns, resident a Bordan, e je lade cuintri di un arbul dilunc de strade provinciâl 36 che e coleghe Braulins cun Bordan. Sul puest a son rivâts daurman i Vigjii dal fûc, une ambulance e l’elisocors. I sanitaris a àn cirût di rianimâ plui voltis il puar om cence però rivâ a salvâlu par vie des feridis une vore grivis. L’incident al è sucedût dongje di une galarie e ancje se a stan fasint lis investigazions, no si pues escludi che la vitime e vedi patît un mâl.

Un altri incident al è invezit sucedût vuê sul cricà dal dî in vie Fausto Coppi a Manzan, dongje dal distributôr di Oleis, indulà che si son dadis cuintri dôs machinis. Une auto e je lade fûr strade, intant che chê altre restade su la strade e à cjapât fûc, studât dai pompîrs rivâts sul puest adun cui sanitaris. I ocupants des machinis a son stâts puartâts par fâ i controi intal ospedâl di Udin. (a.d.g.) – 11.02.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui